ರಾಜ್ಯ

ವಿಜೃಂಭಣೆಯಿಂದ ನಡೆಯುತ್ತಿರುವ ಅವರಗುಪ್ಪ ಶ್ರೀ ಮಾರಿಕಾಂಬ ದೇವಿ ಜಾತ್ರಾ ಮಹೋತ್ಸವ.

News Details

ಸಿದ್ದಾಪುರ : ತಾಲೂಕಿನ ಅವರಗುಪ್ಪದಲ್ಲಿ ಪ್ರತಿ 9 ವರ್ಷಕ್ಕೊಮ್ಮೆ ನಡೆಯುವ ಶ್ರೀ ಮಾರಿಕಾಂಬ ದೇವಿ ಜಾತ್ರಾ ಮಹೋತ್ಸವ ಮಂಗಳವಾರದಿಂದ ಆರಂಭಗೊಂಡು ವಿಜೃಂಭಣೆಯಿಂದ ನಡೆಯುತ್ತಿದೆ.
ನಿತ್ಯ ಸಾವಿರಾರು ಭಕ್ತರು ಜಾತ್ರೋತ್ಸವಕ್ಕೆ ಆಗಮಿಸಿ ದೇವರಿಗೆ ಪೂಜೆ ಸಲ್ಲಿಸಿ ದೇವರ ದರ್ಶನ ಪಡೆದು ಊರಿನಲ್ಲಿ ಏರ್ಪಡಿಸಿದ ಔತಣಕೂಟದಲ್ಲಿ ಭೋಜನ ಸವಿದ ದೃಶ್ಯ ಬುಧವಾರ, ಗುರುವಾರದಂದು ಕಂಡುಬಂದಿತು.
ಜಾತ್ರೋತ್ಸವದ ಪ್ರಯುಕ್ತ ಸಿದ್ಧಮಾಡಿದ ಮಂಟಪವು ವಿಶೇಷವಾಗಿ ಕಂಗೊಳಿಸುತ್ತಿದ್ದು ಭಕ್ತರ ಗಮನ ಸೆಳೆಯುತ್ತಿದೆ.
ವಿಶಾಲವಾದ ಮೈದಾನದಲ್ಲಿ ಹಾಕಿರುವ ಅಂಗಡಿ ಮುಂಗಟ್ಟುಗಳಲ್ಲಿ ಬಗೆ ಬಗೆ ವಸ್ತುಗಳನ್ನು ಖರೀದಿ ಮತ್ತು ಮನರಂಜನೆ ಆಟಿಕೆಗಳಲ್ಲಿ ಭಕ್ತರು ಸಂಭ್ರಮಿಸಿದರು.
ಸಡಗರ ಹಾಗೂ ಸಂಭ್ರಮದೊಂದಿಗೆ ಜಾತ್ರೋತ್ಸವವು ನಡೆಯುತ್ತಿದ್ದು ಮುಂದಿನ ಮಂಗಳವಾರದವರೆಗೆ ನಡೆಯಲಿದೆ.
ಪ್ರತಿ ನಿತ್ಯ ರಾತ್ರಿ ಸ್ಥಳೀಯ ಕಲಾವಿದರಿಂದ ನಡೆಯುತ್ತಿರುವ ನಾಟಕ, ಮನರಂಜನೆ ಕಾರ್ಯಕ್ರಮಗಳು ಪ್ರೇಕ್ಷಕರನ್ನು ರಂಜಿಸುತ್ತಿದೆ.